كلام بنشات

عايزة اعترفلكم انى مسحوبة من لسانى

اه والله مش بقدر امسك نفسى

من انى اعلق على كلام الدكاترة ..

خصوصا لما اكون مفروسة منهم

فعلشان ما اتفصلش من الكلية

بجيب معايا نوت باد صغيرة كده

ارغى فيها فى المحاضرة بدل ما اطق


واليكم الناتج :

" الدكتور بدأ ينضف ، جاب علبة كبريت

بدل المشط ابو شلن ...
فى امل على اخر السنة يجيب ولاعة



أنا : انتى بتروقى المحفظة ولا ايه ؟؟

صاحبتى : اه ، بشيل التذاكر علشان اركب بيها تانى

انا : ينهارك اسود ؟، وامبارح عملالى ضمير ابلة حكمت فى الاتوبيس ؟؟

طب يارب الكمسرى يقفشك



هيفضل يعك بالكلام كده لحد ما يطلع المعيد أمن دولة ويبلغ عنه علشان يبقى هو الدكتور
فيلم مآساوى سيناريو وحوار غزال الرافدين



اووووبا انسحبت من لسانى ورديت ع الدكتور

دلوقتى هستعبط ازاى واعمل عيانة لما يجى يمتحن الشفوى ؟؟؟؟