هو مش التاج للمزكوم حرام ولا ايه ؟؟ زي الضرب في الميت كده ؟؟ هههههههههههه
بمناسبة ان شيتوس - احلى اهلاوية - هي اللي اهدتنى التاج دا ...
وزي ما يكون زيادة في التأكيد يا خواتي لاقيت دكستر - اللي مش غلبان خالص واهلاوي هو كمان - بيباصيه ليا تاني ..
حبيت اقولك يا شيتوس اني على فكرة بمووووووووووووووووووووت في الشيتوس ابو شطة اللي بيتشرب ..
والشيتوس اللي بيتشرب دا فاضحني في الكلية ..
كل ما انجعص كده في الكلية واجي اشربه الاقي دكتور في وشي ..
يا اما يبص ويضحك يا اما يبص لي من فوق لتحت ههههههههههههههههههه ندخل في التاج بقى اللى مافيش فايدة فيه واخداه واخداه
1 - بدأت التدوين إمتى ؟ ودخلت عالم التدوين ازاى ؟
بدأت يمكن من شهر يناير 2008 بس مش على موقع بلوجر .. بدأت على موقع اكتب
الحكاية ومافيها .. انى كنت في منتدى ما (( وانا بالمناسبة كنت مدمنة منتديات لحد وقت قريب وبعدين اعتزلت لما حسيت انها بتسرق وقتي ومش عارفة استفيد فكرياً
زي ما بستفيد في المدونات وكمان مش حرة وانا بعشق الحرية ))
ام هند بقى علشان ماتزهقوش .. انا كنت في منتدى ما لمدة حوالى سنة كاملة او سنة وشوية كمان ، كنت عاملة فيه حوالي 500 موضوع ، حوالي 400 منها كتابة ايديا وحياة عنيا
وجيت حصلت مشاكل وسبت المنتدى وبصراحة استخسرت فيهم مواضيعي
قعدت ادور على مكان امين احط فيه مواضيعي - غير جهاز الكمبيوتر طبعاً لأننا مصابين بلعنة اسمها احتراق الهارد كل شوية - فقعدت يجي اسبوع ادعبس وادور لحد ما عترت على
موقع اكتب وعملت مدونة واقعدت اخد
مواضيعى من هناك احطها في المدونة وامسحها من هناك .. وانا مش فاهمة يعنى ايه مدونة اساساً
انا كل اللى عايزاه منها انها تبقى مخزن لمواضيعي .. واما كانت ناس بترد علي مدونتى التانية
كنت متغاظة منهم اوى ومعتبراها رخامة وتدخل ..
ساعتها عملت مدونتين واحدة للشعر والخواطر .. وواحدة للمواضيع العادية .. وبعدين موقع اكتب دا
طلع نص كم وبيقع كتير .. فخفت على مواضيعي بصراحة فبعدين
قعدت ادعبس تاني عترت على موقع بلوجر .. الكلام دا كان في فبراير بقى .. ماكنش عندى اي فكرة عن
فكرة المدونة بردو ..عملت مدونة على اساس انها موقع خاص بيا .. وفرحت اوى انى بعمل
بمزاجي الاستايل وبغير في الالوان والحاجات دى .. اصل انا اموت في شغل العيال دا
اللي هو اللعب بالالوان والمكعبات وكده هههههههههه المهم انا بردو لسة مش فاهمة
يعنى ايه مدونة وعمالة اكتب وارص في مواضيع لأني كان بقالي فترة مش لاقية
حتة اكتب فيها فانطلقت وانا مش مستنية تعليقات بقى
انا ودودو كنا بنرغي فاتبادلنا عناوين المدونات وكل واحدة طلبت من التانية
تعرف رأيها في اللي التانية بتكتبه .. فبدأنا نرد على بعضينا ونعلق وكنا احنا لوحدينا ..
وبعدين بدأت الرجلين تيجي في المدونة بقى لما بدأت استكشف البلوجر وارد عند الناس وكده ..
((يالهوى دا انا رغاية اوى ))
2 - ايه كان انطباعك في البداية ؟
كنت مستمتعة لأقصى حد .. لأني لأول مرة في حياتي بحس
انى عملت عالم ليا لوحدي بإيدي .. بعمل كل اللي على مزاجي واللي شايفاه صح ..
اكتب وقت ما انا عايزة واكتب اللي انا عايزاه .. ماحدش له عندى حاجة ولا حد يؤمرنى
حد يرخم عليا ولا حد يفرض عليا رأيه ولا ذوقه .. انطباعي باختصار كان انى فعلاً بقيت حرة اخيراً
3 - مين اكتر واحد بتحب تعليقه على بوستك الجديد ؟
اللي بيفهم الموضوع زي ما انا عايزة اوصله بالظبط .. هو دا اللي بجد بهتم بتعليقه جداً حتى لو حد ماعرفهوش
4 - ايه اهم حاجة اتعلمتها من عالم التدوين ؟
اتعلمت اني اعرض رأيي بجرأة وبثقة ومايهمنيش الناس هتقول عني ايه ..
والعجيب بقى اني لما بعرضه بجرأة وبثقة بلاقي الناس متفقة معايا ..
وبردو بلاقي ناس مختلفة معايا بس مش مشكلة مش معقول هقول
رأي يرضى كل الناس الا اذا كنت منافقة ، وبردو مش هرضيهم
5 - حاسس ان التدوين ليه تأثير ؟
غير حياتي 180 درجة .. من الآخر يعنى
6 - اذكر 5 احلام ع الاقل تخص ماضيك وتحلم فيها بتغيير اشياء ما .. ماذا ستعدل وماذا ستترك ؟
اممممممممممممممممم
نمبر وان : كنت زمان وانا صغيرة خالص بحلم اني اغير اسمي .. مكنتش بحب اسمي خالص لأن اختى اسمها كان صغنتوتى كده وبتعرف تعمل له زخرفة وحاجات جميلة كده لكن انا الست ( ة ) التاء المربوطة دي موقفة حالي مع زخرفات الاسم ههههههههههههه
بس دلوقتى مستحيل اتمنى اكون غير سارة
نمبر تو : انى ادخل جامعة القاهرة .. لأن دا كان هيديني فرص كتير اوي مش عارفة اخدها لأنى في الغربية
نمبر ثري : كان عندى حلم كده ولسة عندى بردو .. انى اعيش لوحدى مستقلة بذاتي يعنى .. اشتغل واصرف على نفسي واعيش في شقتى انا وكمية رهيبة من القطط ومعايا كمبيوتر ونت وكتب وبسسسسسسس
نمبر فور : اتعلم فنون الدفاع عن النفس .. بس دلوقتى مابقاش فيا حيل ههههههههههه عجزت وكده
نمبر فايف : اني ابني بيت في الشجرة من بتاع العيال الصغننة دا .. زى بتاع توتو وسوسو وفوفو في ميكي جيب كده .. ياااااااااااه الحلم دا طالع من دماغي يعنى ولو ماكنتش طولت وكبرت كده ومستحيل يكفينى واحد منهم كنت عملته وانا كبيرة هههههههههههه
7 - اذكر 5 أحلام تخص مستقبلك؟
نمبر وان : انى اعيش مع الانسان اللي بتمناه في بيت واحد ونعيش الحياة اللي في خيالنا
نمبر تو : اني يوم فرحي انزل للكوشة انا وعريسي بمنطاد بعد ما نكون طرنا بالمنطاد في السما لمسافة كببيييييييييرة
نمبر ثري : انى اعمل جريدة مهرة حرة
نمبر فور : اموت وانا جوزي لسة بيحبني
نمبر فايف : ما اتنسيش بسهولة لما اموت ، واعمل حاجة تخلي الناس لما تستفيد بيها تقول الله يرحمها عملت حاجة نفعتنا
8 - أذكر شخصين علي الأقل متواجدين في حياتك حاليا كنت تود وجودهم قبل الأن بزمن؟
بيرسون نمبر وان هو
(....)
بيرسون نمبر تو يبقى ( انا ) .. انا بشخصيتى اللى هي دلوقتى .. يعنى الجريئة الاجتماعية الى حد ما
9 - أذكر شخصين علي الأقل غير متواجدين في حياتك حاليا كنت تود وجودهم الأن وفي حياة اولادك مستقبلا؟
اممممممممممممم
ولاد عم وولاد اخوال وكده يعنى يكونوا قريبين مني
لأني لظروف اقامتنا بعيد عن باقي العيلة مش قريبين من ولاد اعمامنا ولا ولاد خالنا خالص
فانا بحاول اقرب المسافات و هحاول بإذن الله ع قد ما اقدر مع ولادي وولاد اخواتي ان شاء الله اني اخلي دايماً فى قرب واتصال مهما كانت الظروف
10 - علي من تطلق هذا الرصاص
هههههههههههههههه لو كان رصاص حقيقي كنت رصيت لك طابور ولا طابور العيش هههههههههه
لكن بما انها اسئلة خبيثة كده وبتنخرب في الخبايا هههههههههههههه هضربها ع كل من
عرفة .. المحارب المتيم
حاتـ .. لأ دا حاتم لسة ما جاوبش القديم خليك شوية يا حاتم (( شوفت انا طيبة ازاى ))
امممممممممممممم
احلى بسكوتة
د/ عمرو فاروق
بث كفاية
