بصى بقى يا دنيا .. انا لو اعرفلك ايد كنت بوستها .. ابوس ايدك اللى معرفهاش خليكى كده
اوعى تضحكي لي يا ستى .. كفاية اوى عليا انك فكيتى آخر تكشيرة
خليكى كده لحسن انا بخاف من ضحكتك ..
كل مرة بتضحكي لى بصدقك وبقول خلاص انتى ناوية تصالحينى وتبطلى مقالبك ..
الاقيكى تدينى حتة قلم كأنك بتغنيلى اغنية حماقى " بتضحك طيب اضحك " هأوو
انا يا ستي عاجبني الوضع دا ..
وراضيه بيه وبحمد ربنا واشكر فضله على كده ..
ها ؟!! Peace يا دنيا ؟؟
سلامو عليكو بقى
.
.
.
.
.
.
.
عاجبكوا الكلام دا يعنى ؟؟ ماحدش حاشنى ليه ؟؟
هناك 15 تعليقًا:
لا حد بيضحك علي الدنيا ولا الدنيا بتضحك علي حد
الدنيا شماعة بنعلق عليها مصايبنا
لكن المسكينة لدنيا مالهاش دور في اي حاجة خاصة لا في علاقتنا بالناس ولا رضانا عن نفسنا من عدمه
وهاقولك ايه
ايوة يا دنيا ايوة كده
عمري ما شفت الشاي باللبن يبقي كده
محدش هيحوش بس الدنيا موش عاوزة اللي يخاف منها هي الدنيا كده اللي ينفضلها ويديها ضهره تجيله جريييي
واللي يجري عليها تديله بال........
ولا بلاش
عموما جاهين قالها كلمة
يأسك وصبرك بين ايديك وانت حر تيأس ماتيأس الحياة راح تمر وانا دقت من دا ومن دا لقيت اليأس مر وبرضك الصبر مر
وعجبييي
مدونتك لذيذه ومليانة أفكار
إلى الامام دائما
اه انتى بقيتى بتكلمى الدنيا اهه احسن ما تكلمى نفسك اصل نفس الواحد مننا مبيعرفش ياخد معاها لا حق ولا باطل...
بس عارفه كنت قريت ان الرسول الكريم شاف الدنيا فى رحلة الاسراء والمعراج انا فاكره القصه بسيطه لو افتكرتها هرجع اكتبهالك ماشى ....
كل دنيا وانتى مأدباها كده ..سلام يا برنسيس.
سمو الاميرة سارة
كل سنة وانتى طيبة
اولا حيرتينى بجد بجد احترت اختار انهو بلوجر واحترت اختار موضوع اية اللى هعلق فية بجد كلامك فية شقاوة كبيرة قوى وكمان خفة دم
انتى اميرة من عصر اللمبى
شكرا للشاى
الدنيا مش حتسيبك حتى لو بستى ايديها ولا حتسيبك لو ما ضحكتش انتى غلطانة انتى لو ضحكتلك استغلى كل ثانية تضحكلك فيها ولما تديكى الالم ابقى عوضى فى لحظات ضحكها
احمد الشاعر
ايه الاخبار لسه بتكلمى فى الدنيا..
سيبك منها يا بنتى الداخل فيها خسران ..
والطبيعى عمرك ما هتاخدى منها لا حق ولا باطل..
فكرة مجنونه ، بس صدقيني الدنيا مظلومه معانا ،
نعيب زمانا والعيب فينا وما لزماننا عيب سوانا
ونهجوا الزمان بغير ذنب ولو نطق الزمان لنا هجانا
وبعدين بلاش فكرة الإستسلام ، وهي الحياة كده شويه فرح وشويه حزن
والشاطر إلي لما يقع يقوم يقف علي رجله تاني
لو المشاكل تنحل ببوس الأيد كنت بوست رجليها مش ايديها
تقبلي مروري
مجنووون
:)
هي هتضحك لك .. و هتحبك.. وهتفرحك..ان شاء الله
حاسه انك حد يستاهل ده..
دي زيارتي الأولى للمدونة
عجبتني أوي يا برينسس سارة :)
كلام حسام .. للأسف مشاكلي مع الدنيا او يعني لما بتكشر في وشي مش بتبقى حكاية علاقات مع الناس وحاجات من دي لأ .. المشكلة انها بتضرب تحت الحزام ضربات توجع .. بتؤذي ناس بحبهم وكأنها عارفة ان دي الضربة الوحيدة اللي بتوجعني أوي .. عارف انا ممكن ازعل من حد عاملني وحش او طلع ندل معايا شوية وبعد كده مش هقولك بسامحه لكن بنسى الزعل يعنى وبمسح البي آدم دا من حياتي لكن المشكلة انها بتيجي على اعز الناس و مثلا تجيبلهم مرض .. تحصلهم مصيبة ساعتها ببقى هموت خلاص .. منوووووورني يا حسام
مالك .. كلامك زي الفل وكلام عمنا جاهين تماااااااام جداً ودايماً بردد البيتين دول .. لكن انا مش يأسانة والله .. انا بس نفسي احس باستقرار .. يعني عايزاها تثبت كده وتركز .. انا قولت انا مش عايزاكي يا ستى تضحكى انا مبسوطة كده وراضية بقضاء ربنا وهقنع نفسي ان دا افضل حال وهحاول اسعد نفسى .. بس استقرررررر دا حلم حياتي .. نوووووووورتني يا مالك
عايزة اتطلق .. شفتى لا أخدت حق ولا باطل مع نفسي ولا مع الدنيا .. يلا ادينى عايشة بالستر اهو .. نورتينى حبيبتى بزيارتك الغالية دي
رومانسي .. ههههههههههههههه ضحكتنى رغم انى في مود امينة رزق ههههههههههههه جميلة اميرة من عصر اللمبي دي عجبتنى اوى .. انت تنورنى في اي بلوج اكيييييييد هبقى سعيدة
احمد الشاعر .. تصدق يا احمد اختى قالتهالي مرة .. قالتلي اللى مكتوب هيحصل هيحصل خلاص .. يبقى عيشى اللحظة بقى وماتزعليش قبل الهنا بسنة .. دي مشكلتي الازلية بجد اني بزعل قبل الهنا بسنة علشان كده تلاقينى اترسم على وشي هلامات سنين لسة ماجاتش .. هحاول اسمع الكلام واعيش اللحظة
مجنون .. زي ما قولت لحسام .. المشكلة ان الدنيا لما بتكشرلي .. او بمعنى ادق اللي بعتبره تكشيرة من الدنيا مش مشاكل .. لأ دا بيبقى حزن .. عارف الفرق اكيد .. ياااااااااارب ابعد الهم والحزن عنى وعن كل المسلمين يااااااااااب اللهم اميييييييين
كأنكِ أنتِ .. ربنا يخليكي حبيبتى دا من ذوقك .. ويارب فعلاً اكون استاهل الفرح يااااااااااارب نورتينى يا جميل
إرسال تعليق