The Hard Times >>> New Version

THE Hard T!mes

>> The New Version

( 1 )

قبل الفطار بخمس دقايق .. الماية قدامك .. وكوباية الخشاف قدامك

والساعة بردو قدامك .. وعصافير بطنك بتلطم بس بتصوصو ..

وهووووب قبل الاذان بكام دقيقة النور قطع .. وانت طبعاً معتمد على انك كنت هتسمع الاذان من المسجد

من الراديو من التي فى من اى حتة ما ركزتش هو بيأذن امتى بالظبط

يالهووووووى طب هو المغرب أذن ولا لأ ؟؟

وتفوت دقيقة وانت قلقان ..

دقيقتين وانت مستنى

3 دقايق وانت هتتجنن خلاص

وتفضل مستنى

ومستنى اقله ربع ساعة ما انت خايف تضيع صيام يوم كامل علشان دقيقتين

( 2 )

قاعد ترغى فى التليفون بالليل .. مكالمة رومانتيكية جامدة ..

طافى نور الشقة كله وقاعد في الصالة (( منجعص اوى )) على كرسى او كنبة الانتريه

وخلاص بقى هتقفل السكة ..

(( اقفلى انت الاول ))

(( لأ انت الاول ))

(( لأ لأ مش هاين عليا ))

واذ فجأةً .. تسمع صوت باباك بيقولك

(((( هى الساعة كاااام دلوقتى )))

واكتشفت انه طول الوقت كان نايم فى الصالة من الحر ..

المشكلة بقى ان صوته مش باين ان كان نااااااايم ولا متنرفزززز

( 3 )

واقف فى الاتوبيس والاتوبيس زحمة كالعادة

وماسك بايدك اليمين فى البتاعة اللى بيمسكوا فيها فوق دى

وبتحاول بايدك الشمال تجيب الفلوس من جيبك اليمين

ومن الزحمة ومن الوضع الغريب بدل ما تحط ايدك فى جيبك حطيتها في جيب اللى جنبك

المشكلة انك لما اكتشفت كده اتخضيت

وارتبكت ووشك جاب الوان

وهوب بتسحب ايدك

(( حراااااااااااااااااامى ))

وطبعاً شكلك ولا اللى متلبس فى جريمة قتل

وبكده يكون الاصدار الجديد من هارد تايمز خلص لأن مافيش اهرد من كده

الاقكم بعد ما اطلع من عنبر الكسور

دا اصلاً ان خرجت من التخشيبة