مرحلة ماقبل الكابتيشنو دى عندى بيحصل فيها بلااااااااااااااااااااوى
بفضل فى شبه غيبوبة لحد ما اشربه كده ابدأ اركز ..
من امثال البلاوى اللى بتحصل قبل الكبتشينو
مثلا اروح ال WC وطبعا بابه بيبقى مقفول
فاولع النور واقف اخبط على الباب واستنىىىىىىىى
ماهو نوره والع والباب مقفول يعنى فى حد جوا
ربع ساعة بقى على ما استوعب انى انا اللى مولعة النور
بلوة تانية مرة كنت هغسل سنانى بمعجون الحلاقة ، واقول ياربى المعجون ماله بقى كبير كده ليييييييييييييه
(( بس الحمد لله لحقت نفسى ))
وكتيييييييييييير بقى اقلع النظارة فى اى حتة واقلب عليها الدنيا
وكتيييييييييييير اقلعها واجى اتوضى امد ايدى اقلعها تانى واتضايق اوى لو مش لقيتنى لابساها
بجد بجد ربنا يديم الكابتشينو عليا نعمة
هناك 12 تعليقًا:
إنتي بنوتة عسولة أساسا :)
ربنا يخليك يا احمد يارب
قولها فى سرك بقى لحسن النمل يظبطنى ههههههههه
هههههههههههه
دة توهان اساسى انا مجرباة برضة
كأنك بتحكى عنى بالظبط
بس انا بقى مش بشرب نسكافية لان انا مش بنام اصلا فتلاقينى تايهه طول اليوم
مدونتك جميلة ياسارورة
ياااااااااااااه يا فيس مون انا مرتين تلاتة علمتها وخرجت من غير ما انام ابدعــــــــــــــــت ، الله يكون فى عونك بجد
وعلى فكرة مرورك الجميل هو اللى محلى مدونتى ياقمر
ههههههههههههه
اولا احب اقولك انى اخيرا كلمت سارة الى هبلنى بيها فى البيت
بيت مييييييييين
هقولك بيت منى ودعاء
رغم انى شفتك بس انا مش فاكرة ان انتى هية هما الى بيقولو
ههههههههههههههههههه
عارفة انك مش فاهمة
المهم انت دمك شربات خالص وزى مبيقولة بجد
سلاااااااام يا عسولة
شوفتينى تبقى انتى .... انتى اختى منمن يا جميل صح ؟؟؟؟؟
يااااااااااااااااارب تكونى انتى علشان عسولة خالص .. حتى لو مش انتى مدام من طرف منى ودعاء تبقى زى السكر ، بجد البنات دى عملالى سمعة زى العسل ومصيطنلى خالص كده ومش عارفة اوجب معاهم ازاااااااااى .. نووووووووووووورتينى يابنوتة بجد
اممممممممممممممم
كده انا خايف علي البوج بتاعك لاه شويه كمان وهيقلب كافيه من اللي الشاي فيها ب 10 جنيه
فكرتيني بنفسي لما ببقي صاحي من النوم واموت وافتكر فين النظاره
ولا لما بنام في حصه الفارما :)))
المهم خدي بالك علي نفسك بقى عشانت سمعت انهم هيمنعوا استيراد الكابوتشينو
انا برائي تبطلي تشربي شاي بلبن هتبقي كويسة
بجد انا بيحصلي الكلام ده سواء شربت كابتشينو او مشربتوش
سعدت بوجودي علي مدونتك
العجوز
انا بقي يبقي النور منور اقوم دايسة بردة علي الزرار هو موضوع تعود
والباب مفتوح اقفلة
واشيل الشوز في التلاجة
وانسي واتوضابالنضارة
ههههه دي بلاوي الواحد زي مايكون مسطول مع اننا مش بنشرب حاجةبس السطلان باين عليهم بيحطو في المزروعات والخضار والا اية
سلامممممممممم ياسوسو
ليكورويكا : لألألألألألألألألأ اوعى تقول كده دا انا ممكن يجرالى حاجة .. دا انا بيجرى فى دمى كرات بيضا وكرات حمرا وكابتشينو ههههههههههههههه
منور القهوة ههههههههههههه
العجوووووز ، بجد الله يكون فى عونك مدام كده كده حالك كده (( حلوة القافية دى هههههههههه )) انا الاسعد بوجودك يا احمد نورتنى بجد ، وصدقنى نفسى ابطل الشاى بلبن بس ماما تقتلنى لو بطلت ههههههه
ههههههههههههههههههه الشوز فى التلاجة دى صعبة اوى يا منمن الله يكون فى عون اللى فى البيت ههههههههههههههههه
نورتينى ياقمراية بجد وعلى فكرة ما اظنش انهم بيحطوا لنا مخدرات فى الاكل
عشان المخدرات مش رخيصة ههههههههههه
إرسال تعليق